伊拉克裔丹麥女大學生-Joanna Palani,於2014年輟學去到敍利亞做狙擊手,對抗極端組織「伊斯蘭國」(ISIS),希望阻止伊斯蘭國擴張並保護歐洲人嘅安全。但如今返到丹麥嘅佢,竟然畀她國家當做恐怖分子,另一邊又畀伊斯蘭國懸紅100萬美元(約780萬港元)緝拿殺害,兩頭唔到岸⋯雖然當局喺2015年9月向Joanna Palani發出旅遊禁令,但仍保留護照嘅她決心再上前線,到舊年6至10月仲不惜犯禁重返敍利亞。丹麥情報部門舊年12月7日拘捕Joanna Palani,佢被當局收監3星期,喺同月嘅23日獲釋,佢喺獄中得知伊斯蘭國向佢發出追殺令。Joanna Palani:「伊斯蘭國想殺我,捉我嚟將我變做極端伊斯蘭分子,或將我變做性奴。」追殺令一出,丹麥情報部門向Joanna Palani提供保護,卻佢就拒絕,皆因佢唔信任情報部門。因違反旅遊禁令而面臨入獄2年嘅Joanna Palani,而家兩頭唔到岸:一方面畀丹麥當局追捕,同時又要面對伊斯蘭國追殺令。Joanna Palani仲話:「抱歉,我要違反旅遊禁令,但我覺得無其他選選。我無諗到為國家(丹麥)嘅安全戰鬥,會令我幾乎失去一切。我嘅國家正在嘗試奪去我嘅自由。」Joanna Palani目前每三天轉一次藏身之所,靠借宿朋友屋企、商店同儲存室去換一晚安眠。佢話:「我住喺全球其中一個最好嘅國家,但我又餓又無家可歸,晚上喺床上冷到結冰;即使我全職工作。我都唔信任何人。」當記者問佢後唔後悔跑上前線?佢堅定咁話:「但呢一切都值得,我們協助一家人由伊斯蘭國手上解放出嚟,小女孩嘅一個眼神令一切都值得。」

This article is automatically posted by WP-AutoPost Plugin

Source URL:http://baby.popart.hk/newweb/archives/24251

Leave a Reply